Sansar News
१२ पुष, काठमाडौँ । २०२० मा भारतीय क्रिकेट र्बोड (बिसीसीआई) बाट सबै भन्दा बढि तलब पाउने क्रिकेटरको सुचिमा जसप्रीत बुमराह पहिलो स्थानमा आएका छन । सबै भन्दा बढि तलब पाउने खेलाडीको सुचिमा उनले भारतीय टिमका कप्तान विराट कोहली पछि पारेका हुन ।
२०२० मा ४ टेस्ट, ९ एकदिवसीय र ८ टि-२० अन्तराष्ट्रिय खेल खेलेका जसप्रीत बुमराहले बिसीसीआईबाट तलबका रुपमा १ करोड ३८ लाख कमाई गरेका छन । त्यसैगरि २०२० मा ३ टेस्ट, ९ एकदिवसीय र १० टि-२० अन्तराष्ट्रिय खेल खेलेका भारतीय टिमका कप्तान विराट कोहलीले बिसीसीआईबाट तलबका रुपमा १ करोड २९ लाख कमाई गरेका छन ।
भारतीय टिमका अलराउण्डर रविन्द्र जडेजा २०२० मा सर्वाधिक कमाई गर्ने खेलाडीको सुचिको तेस्रो स्थानमा आएका छन । उनले तलबका रुपमा बिसीसीआईबाट ९० लाख प्राप्त गरेका छन ।
भारतीय टिमका उपकप्तान रोहित शर्मा भने शिर्ष ५ मा पर्न असफल भएका छन । चोटको कारणले गर्दा उनले २०२० मा भारतका लागि ३ एकदिवसीय र ४ टि-२० खेल मात्र खेल्ने मौका पाएका थिए ।
रोहित शर्मा भन्दा रिषभ पंत र अजिंक्य राहणेले २०२० मा बढि कमाई गरेका छन । अजिंक्य राहणेले २०२० मा ४ टेस्ट खेलबाट ७० लाख कमाई गरेका छन भने रिषभ पंतले ३ टेस्ट, १ एकदिवसीय र २ टि-२० अन्तराष्ट्रिय खेलबाट ५७ लाख कमाई गरेका छन ।
वि.सं.२०७७ पुस १२ आइतवार ११:५९ मा प्रकाशित
