हामी सबैकाे संसारन्यूज

१२ पुस, काठमाडौं । प्रधानमन्त्री केपी शर्मा ओलीले गतसाता संसद विघटन गरि चुनावको सिफारिस गरेका थिए । उनले गरेको सिफारिसमा राष्ट्रपतिले उक्त दिननै आगामी वैशाख १७ र २७ गते प्रतिनिधि सभाको निर्वाचन गर्ने घोषणा गरेकी थिइन ।

बैशाखमा घोषणा गरिएको निर्बाचन गत निर्बाचनहरु भन्दा खर्चिलो हुने निर्वाचन आयोगले प्रक्षेपण गरेको छ । यसको प्रमुख कारणको रुपमा आयोगले विश्वव्यापि रुपमानै असर पारेको कोरोना भाइरस (कोभिड-१९) रहेको छ ।

राष्ट्रपति द्धारा निर्वाचनको घोषणा भएपछि निर्वाचनको प्रारम्भिक तयारीमा लागेको आयोगले आवश्यक बजेटको तयारी थालेको छ । एद्यपि निर्वाचन हुने नहुनेमा भने अझै अन्योलको अवस्थानै रहेको छ । संसद विघटन विरुद्धमा हाल सर्बोच्च  अदालतमा १३ रिट परेका छन् । रिट उपर संबैधानिक इजलास मार्फत छलफल अघि बढि सकेपनि अन्तिम निष्कर्ष भने आएको छैन ।

निर्वाचन आयोगका अनुसार कोरोनाका कारण बजार मूल्य बढेको र कोरोना बाट बच्नको लागि थप सुरक्षा सामाग्रीहरुको आवश्यकता पर्ने हुदा बजेटको आकार बढ्ने छ ।

यसअघिको दुईतह (प्रदेश सभा र प्रतिनिधि सभा) को निर्वाचनमाका लागि ७ अर्ब ७५ करोड ९५ लाख रुपयाँ खर्च भएकोमा यो चुनाव भएमा खर्चको आकार बढ्ने आयोगको प्रक्षेपण छ ।