हामी सबैकाे संसारन्यूज

४ माघ,धनगढी । दिवङ्गत पत्रकार कर्ण बोहराकी पत्नी ममताको उपचारका लागि यहाँ सञ्चालित ‘ममता बचाउ’ अभियानका क्रममा सङ्कलित रु १० लाख ३५ हजार आठ सय ७१ सम्बन्धितलाई हस्तान्तरण गरिएको छ ।

दुवै मृगौला खराब भएका बोहराको उपचारमा सहयोग पु¥याउने उद्देश्यले यहाँका पत्रकार र नागरिक समाजका अगुवाको पहलमा ‘ममता बचाउ अभियान’ थालिएको थियो । अभियानका सदस्य तथा सामुदायिक रेडियो प्रशारक सङ्घको सात नं प्रदेश अध्यक्ष दीर्घराज उपाध्यायले सङ्कलित रकमको चेक सोमबार भक्तपुरस्थित बोहराको डेरामा पुगेर हस्तान्तरण गर्नुभयो ।

‘ममता बचाउ’ अभियान सञ्चालनपछि यस क्षेत्रका पत्रकार, शिक्षक, विद्यालय सञ्चालक, विभिन्न पेसाकर्मी, व्यवसायी र सर्वसाधारणले स्वस्फूर्त रुपमा आर्थिक सहयोग गरेका थिए । रासस