Sansar News
१६ पुस, काठमाडौं । सामाजिक सञ्जाल फेसबुकमा नेकपाका सांसद महेश बस्नेतलाई गाली, गलौज र अभद्र टिप्पणी गरेको अभियोगमा प्रहरीले एकजनालाई पक्राउ गरेको छ । पक्राउ पर्नेमा प्रहरीबाट स्वेच्छिक अवकाश लिएका पूर्वप्रहरी सहायक निरीक्षक (असई) डिल्लीबहादुर चन्द रहेका छन् ।
चन्दलाई साइबर ब्युरोले जिल्ला प्रहरी कार्यलय बाँकेसँगको समन्वयमा नेपालगञ्जबाट मंगलबार पक्राउ गरेको हो । पक्राउ परेका चन्दले सांसद बस्नेतलाई समाजवादी पार्टीका सांसद सुरेन्द्र यादवलाई अपहरण गरेकाे सम्बन्धी रहेर अभद्र टिप्पणीका साथ पोष्ट गरेको अभियोग छ । उनीविरुद्ध प्रहरीले विद्युतीय अपराध ऐन अनुसार कारबाहीकाे तयारी थालेको छ ।
समाजवादी पार्टी फुटाउ सांसद बस्नेत, किशान श्रेष्ठ, पूर्वआईजीपी सर्वेन्द्र खनाल लगायतको समूहले वैशाख १० मा सांसद यादवलाई अपहरण गरेको भनि उनीहरु विवादमा तानिएका थिए ।
वि.सं.२०७७ पुस १६ बिहीवार १४:५१ मा प्रकाशित
