हामी सबैकाे संसारन्यूज

पुस १७, काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ र पार्टी उपाध्यक्ष बामदेव गौतमबीच भेटवार्ता भएको छ । पार्टी विभाजनमा कुनै पक्ष तिर नलागेका गौतम प्रचण्डलाई भेट्न शुक्रबार बिहान खुमलटार पुगेका थिए ।

प्रचण्डको सचिवालयले जनाएअनुसार प्रचण्ड र गौतमबीच आधा घण्टा बढि छलफल भएको थियो । दुई नेताबीच छलफल भएको विषयबारे भने जानकारी गराइएको छैन् ।

गौतम संसद विघटन गर्ने निर्णयको विरोधमा छन् तर, उनी हालसम्म कुनै पक्षमा पनि लागेका छैनन् । उनी दुवै समुहका भेला तथा बैठकमा उपस्थित छैनन् । दुवै समुहले उनलाई पार्टी उपाध्यक्षमा राखेको छ ।

गौतमले आफुँ पार्टी एकताको पक्षमा रहँदै आएको बताएका छन् । साथै उनले दुवै पक्षले आत्माआलोचना गरेर पार्टीलाई विभाजन गराउन नहुने अडानमा छन् ।

यसअघि गत शनिबार पनि उनी प्रचण्डलाई भेटेर एक अर्र्काको विरोध गर्ने कार्यक्रम नबनाउन आग्रह गरेका थिए ।