हामी सबैकाे संसारन्यूज

१९ पुस, काठमाडौं । पीएसजीले आफ्नो नयाँ प्रशिक्षकको रुपमा टोटनहमका पूर्वप्रशिक्षक माउरिसिओ पोचेटिनोलाई नियुक्त गरेको छ । पोचेटिनो पीएसजीका पूर्वखेलाडी समेत हुन् ।

लिग वान च्याम्पियन पीएसजीले आफ्नो च्याम्पियनस् लिग जीत्ने सपना पुरा गर्नको लागि ठुलाे लगानी गर्दै आएको छ । थोमस टुचेललाई बर्खास्त गरि टोटनहामका पूर्व प्रशिक्षक पोचेटिनोलाई क्लबमा अनुबन्ध गरेको पीएसजीले लिग वान सहित च्याम्पियनस् लिगलाई प्रमुख प्राथमिकता दिएको छ ।

सन् २०१९ नोभेम्बरमा टोटनहमले बर्खास्त गरेपछि लामो समयकुनै पनि क्लबमा अनुबन्ध नभएका पोचेटिनोको नाम यसअघि युभेन्टस, रियल मड्रिड जस्ता क्लबको प्रशिक्षक बन्नेमा कुरा चलेको थियो । तर, ४८ वर्षीय अर्जेन्टाइन पोचेटिनोलाई पीयसजीले आफ्नो नयाँ प्रशिक्षकको रुपमा निउक्त गरेको छ । उनले सन् २००१ देखि २००३ सम्म पीएसजीका लागि खेलेका थिए ।

लिग वानमा हाल पीएसजी तेस्रो स्थानमा छभने युरोपियन च्याम्पियन्स लिगमा स्पेनिस जाएन्ट बार्सिलोनासँग अन्तिम १६ मा खेल्दै छ । यी दुबै लिगमा जित हासिल गर्ने जिम्मेवारी अब पोचेटिनोको काधमा आएको छ ।