हामी सबैकाे संसारन्यूज

२० पुष । सत्तारुढ नेपाल कम्युनिष्ट(नेकपा) भित्रको विवादका कारण यतिबेला नेकपा स्पष्ट रुपमा दुई समूह(प्रधानमन्त्री नेतृत्वको नेकपा र पुष्पकमल दाहाल ‘प्रचण्ड’ र माधव नेपाल समूहको नेकपा) बनेको छ भने को कसको पक्षमा भन्ने कुरा महत्वपूर्ण बनिरहेको छ । यसैक्रममा आफू कता तिर भन्ने खुल्ने क्रम पनि बढीरहेको छ ।

आइतबार कर्णाली प्रदेशका दुई मन्त्री र एक सांसदले प्रधानमन्त्री केपी शर्मा ओलीले नेतृत्व गरेको नेकपाको समुहलाई परित्याग गरी प्रचण्ड–दाहाल समूहमा लागेसँगै कर्णाली प्रदेशमा ओलि समूह छाडेर प्रचण्ड–माधव नेतृत्वको नेकपामा जानेक्रम बढेको छ ।

यसैक्रममा कर्णाली प्रदेशबाट २८ जनाको जम्बो टिम प्रचण्ड–माधव समूहको नेकपा तिर लागेका छन् । उनीहरुले सामूहिक रुपमा प्रेस विज्ञप्ति जारी गरी उक्त कुरा सार्वजनिक गरेका हुन् ।

नेपाल कम्युनिष्ट आन्दोलनको अभूतपूर्व एकता प्रक्रिया अबरुद्ध हुँदा आम कार्यकर्ता तथा जनतामा निराश बन्न पुगेको भन्दै आफूहरु प्रचण्ड–माधव नेतृत्वको मूलधारको नेकपामा रहने प्रतिबद्धता व्यक्त गरेका छन् ।

यसरी संयुक्त प्रेस विज्ञप्ति जारी गर्नेमा नेकपा केन्द्रीय सदस्य तथा हुम्लाका इन्चार्ज विजय भण्डारी, नेकपा हुम्ला अध्यक्ष लालकेश जैसी लगायत  रहेका छन् ।