Sansar News
२० पुस, काठमाडौं । आज देशका पाँचवटा प्रदेशमा हल्कादेखि मध्यम हिमपातको सम्भापना रहेको छ ।
मौसम पूर्वानुमान महाशाखाका अनुसार आज दिउँसो देशभर सामान्य बदली रही सुदूरपश्चिम प्रदेश, कर्णाली प्रदेश, गण्डकी, बागमती प्रदेश र प्रदेश १ का उच्च पहाडी तथा हिमाली भू–भागमा हल्कादेखि मध्यम खालको हिमपातको सम्भावना रहेको छ ।
त्यस्तै सुदूरपश्चिम प्रदेश, कर्णाली प्रदेश, गण्डकी प्रदेशका भू-भागहरुका केहि स्थानहरु तथा लुम्बिनी, बागमती र प्रदेश न. १ को भू–भागहरुका थोरै स्थानहरुमा हल्का वर्षाको सम्भावना रहेको छ ।
आज बिहान काठमाडौं उपत्यकामा हल्का वर्षा भएको छ भने आज उपत्यकाको न्यूनतम तापक्रम २.५ र अधिकतम २०.५ मापन गरिएको छ ।
त्यस्तै आज जुम्लाको न्यूनतम तापक्रम माइनस ३.८ र अधिकतम १५ मापन गरिएको छ ।
वि.सं.२०७७ पुस २० सोमवार ०८:३३ मा प्रकाशित
