Sansar News
२१ पुस, काठमाडौं । नेपाल कम्युनिष्ट पार्टी (नेकपा) का अध्यक्ष तथा पूर्वप्रधानमन्त्री माधब कुमार नेपालले अनुहार चिनिएका कामरेडहरु बालुवाटारको बाटो नहिँड्न निर्देशन दिएका छन् ।
बामपन्थी नेता स्वनाम साथी (शशि सेरचन) को सम्झनामा आयोजित श्रद्धान्जलि सभालाई सम्बोधन गर्दै उनले एकातिर सोनाम जस्ता त्यागी नेता र अर्कातिर केपी शर्मा ओलीजस्ता व्यक्तिवादी नेता भएको विश्लेषण गर्दै प्रधानमन्त्री केपी शर्मा ओलीले सत्ता र लोभको पद देखाएर कम्युनिष्ट आन्दोलन भाँडेको बताएका थिए । साथै उनले ओलीले जथाभावि केन्द्रीय सदस्य बाँडेको प्रसंग निकाल्दै बालुवाटारको बाटो नहिँड्न भन्दै व्यंग्य गरेका थिए ।
निष्ठाको बाटोबाट जितको यात्रा सुनिश्चित हुने भन्दै स्वनामले देखाएको व्यवहारिकता पक्रन पनि कार्यकर्ताहरुलाई निर्देशन दिएका थिए । सो श्रद्धान्जलि सभामा नारायणकाजी श्रेष्ठ, अमृत बोहोरा, प्रल्हाद बुढाथोकी, सीता पोखरेल, किशन शर्मा, कुमार पौडेल लगायतका वक्ताहरुले बोलेका थिए ।
वि.सं.२०७७ पुस २१ मंगलवार १५:०९ मा प्रकाशित
