Sansar News
२२ पुष, काठमाडौं । प्रतिनिधिसभा विघटनविरूद्ध परेका मुद्दामा सर्वाेच्च अदालतले आजदेखि निरन्तर सुनुवाइ गर्दैछ ।
प्रधानन्यायाधीश चोलेन्द्र शम्शेर जबराले आफ्नो नेतृत्वमा पाँच सदस्यीय इजलाससंवैधानिक इजलास गठन गरेका छन् ।
संवैधानिक इजलासको रोष्टरमा भएका १४ जनामध्ये राणाले न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसीलाई इजलासका लागि छानेका हुन् ।
यसअघिको गठन भएको संवैधानिक इजलास वरिष्ठताक्रम मिचेर एकपक्षीय शैलीमा इजलास गठन भएको भनी टिकाटिप्पणी उठ्दासमेत प्रधानन्यायाधीश जबराले पुनः पुष १० गतेकै इजलासलाई निरन्तरता दिएका हुन् । राणाले गठन गरेको संवैधानिक इजलासमा सम्बन्धीत विषयमा अनुभवी भन्दा पनि आफ्नो सहजता अनुसार न्यायाधीसहरु छानिएको भन्दै कानुन व्यवसायीहरुले सवाल उठाएका थिए ।
यसअघिको सुनुवाइमा प्रधानमन्त्री केपी शर्मा ओलीको पालामा महान्यायाधिवक्ता नियुक्त भएकाले कार्की इजलासमा बस्न नहुने भनी प्रश्न उठाएका थिए तर प्रधानन्यायधिसले भने इजलासमा बस्नहुने भनी आदेश गरेका थिए ।
पुस १० गते भएको सुनुवाइपछि संवैधानिक इजलासले प्रतिनिधि सभा विघटनबारे प्रधानमन्त्री तथा मन्त्रिपरिषदको कार्यालय, राष्ट्रपति कार्यालय र प्रतिनिधि सभाका सभामुखलाई लिखित जवाफ दिन आदेश दिएको थियो । सो आदेशअनुसार सम्बन्धीत कार्यालयहरुले पुस १९ गते सर्वाेच्चमा जवाफ पठाइसकेका छन् ।
यसैबीच कानुन व्यवसायीहरुले राष्ट्रि विषयको महत्वपूर्ण मुद्दा संवैधानिक इजलासको साटो बृहत् पूर्ण इजलासमा सुनुवाइ हुनुपर्ने भनी मंगलबार निवेदन दिएका छन् । सो निवेदनमाथि समेत यहि संवैधानिक इजलासले सम्बोधन गर्नेछ ।
वि.सं.२०७७ पुस २२ बुधवार ११:१४ मा प्रकाशित
