हामी सबैकाे संसारन्यूज

२२ पुस, काठमाडौं । टोटनहम हट्सपर काराबाओ कप (इएफएल कप) को फाइनलमा प्रवेश गरेको छ । गएराति भएको सेमिफाइनल खेलमा ब्रेन्टफोर्डलाई २-० ले पराजित गर्दै टोटनहम फाइनलमा प्रवेश गरेको हो ।

टोटनहमको घरेलु मैदानमा भएको खेलमा टोटनहमले पहिलो हाफमा एक गोलको अग्रता लिएको थियो । पहिलो हाफकाे १२औं मिनेटमा माेउसा सिसोकोले गोल गर्दै टोटनहमलाई अग्रता दिलाएका थिए । दोस्रो हाफको ७०औं मिनेटमा हेउन मिन सनले गोल गर्दै टोटनहमलाई २-० को अग्रता दिलाउदै खेलमा जीत दिलाएका थिए ।

सेमिफाइनल अन्तरगतकै दोस्रो खेल आज बेलुका १३: ३० मा म्यानचेष्टर यूनाईटेड र म्यान्चेष्टर सिटी बिच हुदै छ । म्यानचेष्टर डर्बिमा जीत हात पार्ने टिमले अप्रिल २५ मा वेम्लीमा  हुने फाइनलमा टोटनहमसँग भिड्ने छ ।