Sansar News
२२ पौष, काठमाडौं । नेपाल इन्भेष्टमेन्ट बैंक लिमिटेडको शेयरमुल्य नेपाल स्टक एक्सचेञ्ज (नेप्से) मा आज बुधबार समायोजन भएको छ ।
लाभांश वितरण तथा साधारण सभा प्रयोजनार्थ बैंकले बुकक्लोज गरेसगैँ नेप्सेले शेयरमुल्य समायोजन गरी नयाँ मुल्य निर्धारण गरेको हो । नेप्सेले बैंकको १३ प्रतिशत बोनस शेयर समायोजन गरी प्रतिकित्ता शेयरमूल्य ४७८ रुपैयाँ तोकेको छ।
बैंकको हिजो, पौष २१ गतेको अन्तिम कारोबारको आधारमा शेयरमूल्य समायोजन भएको हो। हिजो बैंकको शेयर प्रतिकित्ता ५४० रुपैयाँमा अन्तिम कारोबार भएको थियो।
बैंकले माघ ८ गते, बिहीबार बिहान १० बजे आफ्नो केन्द्रिय कार्यालय, दरबारमार्गमा ३४ औँ वार्षिक साधारण सभा आह्नन गरेको छ ।
वि.सं.२०७७ पुस २२ बुधवार ११:४३ मा प्रकाशित
