हामी सबैकाे संसारन्यूज

पुस २२, काठमाडौं । जनता समाजवादीका नेता डा. बाबुराम भट्टराईले प्रचण्ड–नेपाल समुहसँग सहकार्य गर्ने आधार के हो भनि प्रश्न उठाएका छन् । बुधबार काठमाडौं बानेश्वरमा आयोजित अन्तरपार्टी अन्तरक्रियामा बोल्दै उनले यस्तो प्रश्न उठाएका हुन् ।

उनले प्रधानमन्त्री केपी शर्मा ओलीको पार्टीमै प्रचण्ड–नेपाल समुहका नेताहरुको रहेको भन्दै सहकार्यको आधार के हो भनि प्रश्न गरे । ‘अहिले पनि तपाईँहरुलाई उहाँले पार्टीबाट निकाल्नुभएको छैन्’, माधव नेपालतिर हेर्दै भट्टराईले प्रश्न गरे, ‘मान्छेले शंका गर्दैछन् यो सहकार्य कसरी गर्ने ?’

उनले आन्दोलनमा सहकार्यका हुन नसकेको प्रति पनि प्रश्न उठाएका छन् । भट्टराईले प्रचण्ड–नेपाल समुह स्पष्ट नभएको समेत बताए ।

‘किन संयुक्त संघर्ष हुन सकिरहेको छैन् ? अहिले त हामीले आ–आफ्नो पार्टीहरु परिचालन गरेका छौं, कुनै बिन्दुमा मिलाउनु पर्छ तर, आशंका कहाँ नेकपाका साथीहरुमाथि छ’, भट्टराईले भने, ‘अहिले केपी ओलीले न्याक्दाखेरि त उहाँले विरोध गर्नुभएको छ तर, केपी ओलीलाई फेरि बोकेर सँगसँगै जाऔं भन्नुभयो भने त हामी यता न उताको हुन्छौं, डर यहाँ छ ।’