हामी सबैकाे संसारन्यूज

२४ पुस, काठमाडौं । राष्ट्रिय सभा सदस्य (सांसद) कोमल ओलीले जनताको जनादेश लिन डराउने नै अधिनायकवाद र तानाशाही रहेको बताएकी छन् ।

राष्ट्रियसभाको बैठकमा शुक्रबार आफ्ना भनाई राख्दै सांसद ओलीले प्रधानमन्त्रीले गरेको संसद विघटन संविधान विपरित र असंबैधानिक हो भन्ने कसैलाई लाग्छ भने त्यसको व्याखा गर्ने अधिकार अदालतलाई दिएको र अदालतले जे गर्छ त्यो सबैले स्वीकार्नुपर्ने बताइन् ।

‘यसको अन्तिम निर्णय गर्ने जनताको ल्याबले हो, त्यसैले जनताको ल्याबमा जानु परीक्षणमा जानेकुरा कसरी असंबैधानिक भयो ? कसरी तानाशाही भयो ? कसरी अधिनायकवाद भयो ? ठूलो स्वरले कराएर चिच्याएर भन्दैमा कोही अधिनायकवादी हुँदैन जो व्यक्ति जनतामा जान डराउँछ त्यो व्यक्तिको भित्रि मनमा अधिनायकवाद र तानाशाही हुन सक्छ ।’ उनले भनिन् ।

‘सरकारमाथि संका, अदालतमाथि शंका, निर्वाचन आयोगमाथि शंका, यतिधेरै शंका गर्ने अनि अहिलेको सरकार सर्वसत्तावादी भयो भनेर भन्ने, अरु इन्स्च्युशनहरुले आफै निर्णय गर्न सक्छन् भन्ने नमान्नुनै सर्वसत्तावाद होइन र ?,’ सांसद ओलीले भनिन्, ‘अदालतमाथि जसले शंका गरिरहेको छ त्यो हो सर्वसत्ताँवाद ।’
सांसद ओलीले प्रतिनिधिसभा विघटन भएर निर्वाचनमा होमिइसकेको बताउँदै अहिले देश ठूलो दुर्भाग्यबाट गुज्रनु परेको र त्यो संसद, जनता तथा प्रधानमन्त्रीको रोजाइको विषय नभएको तर विकल्प के थियो त भन्ने प्रश्न समेत गरेकी थिइन् ।

‘तर सरकारले के गरेन भन्ने विषयमा के बहस भयो त ? पार्टीको बैठकमा वा सार्वजनिक रुपमा जनताका मुद्दाहरुका बारेमा नेताहरुले के बोल्नु भयो त ? पार्टीमा बरियताको बाहेक पार्टीमा कसले के जिम्मेवारी प्राप्त गर्ने बाहेक जनताका मुद्दा कोरोना, अस्पताल, औषधि खानेपानी, सडक, मेलाम्ची, अपरतामाकोशी, रोगजारी लगायतका विषयमा नेताहरुले संसदमा के बहस गर्नु भयो ?’ उनले भनिन् ।

सरकारले जनताको काम गरेन भन्ने, दिउँसो उखु किसानलाई न्याय दिएन भनेर भाषण गर्ने राति मिल मालिकलाई नपक्रनु भनेर मन्त्रीलाई फोन गर्ने नेतासँग जवाफ छ भन्ने प्रश्न समेत गरेकी थिइन् ।

‘नेताहरुले सरकारलाई बाटो देखाउने, कमीकमजोरीहरुका बारेमा आलोचना गर्ने हो तर स्थायी कमिटीको बैठकमा को सोफामा बस्यो, कस्का कुर्सी कतातिर फर्काएर राखिएको थियो भन्ने विषयले देशलाई बन्धक बनाएको उहाँहरुले जिम्मा लिनुपर्छ कि पर्दैन ?’ ओलीले भनिन् ।