Sansar News
पुस २४, काठमाडौं । प्रधानमन्त्री केपी शर्मा ओलीले प्रचण्ड–नेपाल समुहलाई भगौडाको संज्ञा दिएका छन् । आफुँ पक्षीय समुहको सुदुरपश्चिम भेलालाई धनगढीमा सम्बोधन गर्दै उनले यस्तो संज्ञा दिएका हुन् ।
ओलीले प्रचण्ड–नेपाल समुहले अश्लिल गाली गर्दै हिँडेको बताए ।
‘तपाईँहरुले यहाँ गाली गर्दै हिँडेका, पार्टी छोडेर भागेका केहि भगौडाहरुको कुराहरु सुन्नु भएको होला’, ओलीले भनेका छन्, ‘पार्टी केन्द्रीय कमिटीको बैठकमा नआएर सडकमा गएर, गाली गलौज गरेर, मुख छाडेर, पत्रपत्रिकामा लेखाएर, अश्लिल गाली गलौज गरेर हिँडेका छन्, हामीलाई गाली गर्ने फुर्सद छैन्, हामीलाई देश बनाउनु छ ।’
उनले आफ्नो चिन्ता देशलाई समृद्ध बनाउने र जनतालाई सुखी बनाउने तर्फ रहेको बताए । उनले आफुँ कुरामात्रै नगरेको पनि दाबी गरे ।
वि.सं.२०७७ पुस २४ शुक्रवार १५:२३ मा प्रकाशित
