हामी सबैकाे संसारन्यूज

२६ पुस, काठमाडौं । जनता समाजवादी पार्टीका नेता तथा पूर्वप्रधानमन्त्री डा. बाबुराम भट्टराईले प्रधानमन्त्री ओलीको कदम नव फासिवाद भएको आरोप लगाएका छन् ।

आइतबार सामाजिक संजाल ट्विटरमा लेख्दै डा. भट्टराईले ओली तन्त्रलाई रोक्नका लागि उत्तिकै सुविचारित प्रतिरणनीति र प्रतियोजना चाहिने तथा त्यसका लागि किन्तुपरन्तु नगरी सबै राजनीतिक दल, वौद्धिक जगत, संचार क्षेत्र र आम नागरिक प्रतिरोध संघर्षमा उत्रनु पर्ने समेत उनले बताएका छन् ।

डा. भट्टराइले भनेका छन् ‘ओलीतन्त्र नवफासिवाद हो भन्ने कुरामा कसैले कुनै भ्रम राख्न जरूरी छैन । त्यसलाई रोक्न उत्तिकै सुविचारित प्रतिरणनीति र प्रतियोजना चाहिन्छ ।’ त्यो प्रतिरणनीति भनेको कुनै किन्तुपरन्तु नगरी सबै राजनीतिक दल,वौद्धिक जगत, संचार क्षेत्र र आम नागरिक प्रतिरोध संघर्षमा उत्रनु हो !अलमल मृत्यु हो !’
स्मरण रहोस् प्रधानमन्त्रीको सिफारिसमा पुस ५ गते प्रतिनिधिसभा विघटन भएसँगै यसलाई अलोकतान्त्रिक र असंबैधानिक कदम ठहर गर्दै डा भट्टराईको पार्टीले त्यसको विरोधस्वरुप पुस ११ गते प्रधानमन्त्री र राष्ट्रपतिको पुत्ला दहन र शनिबार देशव्यापी रुपमा मसाल जुलुस निकालेको थियो ।

‘ओलीतन्त्र नवफासिवाद हो भन्ने कुरामा कसैले कुनै भ्रम राख्न जरूरी छैन। त्यसलाई रोक्न उत्तिकै सुविचारित प्रतिरणनीति र प्रतियोजना चाहिन्छ।’ त्यो प्रतिरणनीति भनेको कुनै किन्तुपरन्तु नगरी सबै राजनीतिक दल,वौद्धिक जगत,संचार क्षेत्र र आम नागरिक प्रतिरोध संघर्षमा उत्रनु हो!अलमल मृत्यु हो! https://t.co/qJo757Nba4

— Baburam Bhattarai (@brb1954) January 10, 2021