Sansar News
२६ पुष, काठमाडौँ । पाकिस्तान सुपर लिग (पिएसएल) को ड्राफ्ट आज पाकिस्तानको लाहोरमा हुन गईरहेको छ । यस वर्ष पाकिस्तान सुपर लिगको ड्राफ्टमा नेपाली राष्ट्रिय टिमबाट १० खेलाडी पर्न सफल भएका छन ।
पिएसएलले शनिबार सार्वजनिक गरेको ड्राफ्टको सुचिमा नेपालबाट ९ खेलाडी पर्न सफल हुन । यस अघि नेपाली युवा लेग स्पिनर सन्दिप लामिछाने प्लाटिनम श्रेणीमा पर्न सफल भईसकेका थिए ।
पिएसएलले शनिबार सार्वजनिक गरेको ड्राफ्टको सुचिमा नेपाली राष्ट्रिय टिमका कप्तान ज्ञानेन्द्र मल्ल, पुर्वकप्तान पारख खड्का, उपकप्तान दिपेन्द्र शिंह ऐरी सहित करण केसी, कुशल मल्ल, अभिनाष बोहरा, पवन सरार्फ, सुवास खकुरेल र आसिफ शेख सिल्भर श्रेणीमा पर्न सफल भएका हुन ।
प्लाटिनम श्रेणीमा रहेका सन्दिपको न्यूनतम मूल्य १ लाख ४७ हजार अमेरिकी डलर देखि अधिकतम मूल्य २ लाख १८ हजार अमेरिकी डलर तोकिएको छ भने सिल्भर श्रेणीमा रहेका अरु खेलाडीको न्यूनतम मूल्य २५ हजार अमेरिकी डलर देखि अधिकतम मूल्य ३५ हजार अमेरिकी डलर तोकिएको छ ।
लाहोरमा हुने ड्राफ्ट नेपाली समय अनुसार दिउँसो ४:३० बाट सुरुहुने छ । ड्राफ्टको प्रत्यक्ष प्रसारण पाकिस्तान सुपर लिगको यूट्यूब च्यानलबाट र्हेन सकिने छ ।
वि.सं.२०७७ पुस २६ आइतवार ०९:५९ मा प्रकाशित
