हामी सबैकाे संसारन्यूज

२६ पुस, काठमाडौं । गएराति भएको खेलमा कप्तान लिओनल मेस्सी र एन्टोनी ग्रिजम्यानको दुईदुई गोल मद्दतमा बार्सिलोना विजयी भएको छ । स्पानिस ला लिगा अन्तरगत भएको खेलमा बार्सिलोना ४-० ले विजयी भएको हो ।

बार्सिलोनाका लागि खेलको १२औं र ६३औं मिनेटमा ग्रिजम्यानले दुई गोल गरेभने बार्सिलोनाका कप्तान मेस्सीले पनि खेलको ३५ औं र ४२ औं मिनेट गोल गर्दै समग्रमा बार्सिलोनाका लागि ४-० को जित दिलाए । ग्रानडाको घरेलु मैदानमा भएको खेलमा ७८ औँ मिनेटमा जेससले रातो कार्ड पाउदै मैदान बाहिरीएका थिए ।

जितपछि बार्सिलोना १८ खेलबाट ३४ अंक जोड्दै तेस्रो स्थानमा उक्लेको छ । समान खेलबाट रियल ३७ अंकसहित दोस्रो स्थानमा छ । १५ खेलमात्र खेलेको एट्लेटिको मड्रिड ३८ अंकसहित शीर्ष स्थानमा छ ।