२६ पुस, काठमाडौं । नेपाली कांग्रेसका प्रवक्ता विश्वप्रकाश शर्माले विभिन्न समयमा भएका घटना र त्यस घटनाको पिडितको याद दिलाउन उनीहरुको फोटो प्रधानमन्त्री केपी शर्मा ओलीलाई ‘पार्सल’ पठाएका छन्।
प्रवक्ता शर्माले प्रधानमन्त्रीलाई बलात्कारपछि हत्या भएकी कञ्चनपुरकी बालिका निर्मला पन्त, उपचार नपाएर मृत्यु भएका धनुषाका राजु सदा र कीर्तिपुरको सडक पेटीमा शव भेटिएका धादिङका सूर्यबहादुर तामाङको फोटो पठाएका हुन् । उनले पडितको फोटोको साथमा संविधानको किताब पनि प्रधानमन्त्री ओलीलाई पठाएका छन्।
प्रधानमन्त्री ओलीले पुस ५ गते प्रतिनिधि सभा विघटन गरेपछि उनको उक्त कदम असम्बैधानिक रहेकाे भन्दै हाल काग्रेसले देश व्यापी प्रदर्शन गर्दै आईरहेको छ । काठमाडौंमा शनिबार आयोजित एक कार्यक्रममा उनले उक्त पार्सल प्रेस युनियन काठमाडौंका अध्यक्ष जगन्नाथ दुलाललाई प्रधानमन्त्री ओलीलाई पार्सल गर्नको लागि हस्तान्तरण गरेका थिए ।
वि.सं.२०७७ पुस २६ आइतवार १५:११ मा प्रकाशित