Sansar News
स्याङ्जा । नेपाल कम्युनिस्ट पार्टी (नेकपा)का केन्द्रिय सदस्य राजु कोईरालाले स्याङ्जा चापाकोटमा नेवार समाज सांस्कृतिक संरक्षण केन्द्रको भवन शिलान्यास गरेका छन । नेवार समुदायको मौलिक पहिचानको संरक्षण र विकास गर्ने हेतुले उक्त भवन निर्माणको प्रारम्भ गरिएको हो ।
शिलान्यास कार्यक्रममा बोल्दै नेता कोईरालाले स्थानिय तहमा गर्नुपर्ने विकासका कार्यक्रमहरुको लागि आफ्नो संधै प्राथमिकताका साथ सहभागीता रहने बताए । भवन शिलान्यास कार्यक्रममा चापाकोट नगरपालिका १० वडा अध्यक्ष रामु कोइराला,किसान प्राविधिक शिक्षालय का प्रशासकिय सहायक रेशमलाल पंज्ञानी लगायतको उपस्थिति रहेको थियोे ।
संरक्षण केन्द्रका अध्यक्ष श्री गंगा बहादुर श्रेष्ठको अध्यक्षतामा आयोजित कार्यक्रमको सञ्चालन संस्थाका कोषाध्यक्ष चिनुमाया श्रेष्ठले गरेकी थिइन । भवन निमार्णका लागि वातावरण तथा वन विभाग बाट रु २० लाख अनुदान रकम बिनियोजन भएको बताईएको छ ।
वि.सं.२०७७ पुस २६ आइतवार २२:२० मा प्रकाशित
