Sansar News
२६ पुस, काठमाडौं । मध्यपश्चिमाञ्चल विश्वविद्यालयका भिसी नन्दबहादुर सिंहले ज्ञापन पत्र बुझ्न नमान्दा विद्यार्थीले आक्रमण गरेका छन् । स्थितिलाई नियन्त्रणमा ल्याउन खोज्दा प्रहरी र विद्यार्थीबीच झडप भएको छ ।
झडप नियन्त्रणमा ल्याउनको लागि प्रहरीले केही राउण्ड अश्रुग्यास समेत प्रहार गर्न परेको थियो । विद्यार्थीको एउटा समूह भिसी सिंहलाई ज्ञापन पत्र बुझाउन गएपनि उनले बुझ्न नमान्दा विद्यार्थिले उनी माथि आक्रमण गरेका थिए । उनले पत्र आफुलाई नभै मातहतका परीक्षा नियन्त्रण कार्यालयलाई बुझाउदा हुने बताएपछि विद्यार्थिहरु आक्रोशित बनेका थिए ।
आक्रोशमा रहेका विद्यार्थीले उनी कार्यलयबाट निस्कने क्रममा ढुंगामुढा गर्न थालेपछि तनाव सिर्जना भएको सुर्खेत प्रहरीले जनाएको छ । प्रहरीले अवस्था नियन्त्रणमा ल्याउन गरेको कार्वाहिमा परि तीन जना विद्यार्थी घाइते भएका छन् ।
वि.सं.२०७७ पुस २६ आइतवार २०:५७ मा प्रकाशित
