Sansar News
२८ पुस, काठमाडौं । नेपाल कम्युनिष्ट पार्टी (नेकपा) प्रचण्ड- नेपाल पक्षका अध्यक्ष पुष्पकमल दाहाल प्रचण्डले पार्टीको आधिकारीक नाम र चुनाब चिन्ह आफुहरुकोनै हुनेमा ढुक्क रहन कार्यकतालाई भनेका छन् ।
मंगलबार पोखरामा आयोजित गण्डकी प्रदेशस्तरीय कार्यकर्ता भेलालाई सम्बोधन गर्दै उनले नेपाल कम्युनिष्ट पार्टी (नेकपा) र सूर्य चुनाव चिन्ह आफूहरूले पाउने बताएका छन्। उनले सोमबार निर्वाचन आयोग गएर पार्टीको नाम र चुनाव चिन्हको आधिकारीकता पाउनेमा प्रष्ट भएको बताएका छन् ।
उनले ५० प्रतिशत केन्द्रीय सदस्य हुनेले नाम र चिन्ह पाउने भएकोमा हाल आफुहरुको पक्षमा ७० प्रतिशत केन्द्रीय सदस्य रहेकाले यस विषयमा ढुक्क रहन कार्यकर्ताहरुलाइ भनेका छन् । उनले यदि यसो नभए आँधीवेहरी आउने चेतावनीसमेत दिएका छन्।
उनले सभालाई सम्बोधन गर्दै प्रधानमन्त्री केपी शर्मा ओलीको प्रतिनिधि सभा भंग गर्ने कदम असंवैधानिक भएको र बैशाखमा हुनेभनिएको चुनाव कुनैपनि हालतमा नहुने पनि बताएका छन् । पार्टीभित्रको विवाद मिलाउन नसक्ने अनि प्रतिनिधि सभा भंग गर्ने जस्तो असंवैधानिक कदम ओलीले चालेको बताएका छन् ।
वि.सं.२०७७ पुस २८ मंगलवार १६:०० मा प्रकाशित
