Sansar News
पुस २९, काठमाडौं । सर्वोच्च अदालतको संवैधानिक इजलासमा प्रतिनिधि सभा विघटनसम्बन्धी मुद्दामा सुनुवाई सुरु भएको छ ।
प्रधानन्यायाधीश चोलेन्द्र शमशेर जबराले बुधबार बिहान संवैधानिक इजलासको पुनर्गठन गरेका थिए । जबराले पुनर्गठन गरेको इजलासमा उनीसहित विश्वम्भरप्रसाद श्रेष्ठ, अनिलकुमार सिन्हा, तेजबहादुर केसी र सपना प्रधान मल्ल छन् ।
उनले न्यायाधीश हरिकृष्ण कार्कीको स्थानमा मल्ललाई राखेका हुन् । यसअघि गत बुधबारको बहसमा सहभागी अधिवक्ताहरुले कार्कीको उपस्थितिमाथि प्रश्न उठाएका थिए । जसपश्चात कार्कीले इजलास छाड्ने घोषणा गरेका थिए ।
बुधबारको सुनुवाईमा नेकपाका तर्फबाट रिट निवेदनमध्येका एक देवप्रसाद गुरुङ पनि सहभागी छन् । नेकपाको प्रमुख सचेतकसमेत रहेका गुरुङले रिटमाथि बृहत पूर्णं इजलसाको माग गरिरहेका छन् ।
सम्बन्धित समाचार
वि.सं.२०७७ पुस २९ बुधवार १२:२६ मा प्रकाशित
