Sansar News
२९ पुस, काठमाडौं । नेपाल राष्ट्र बैंकले देशको बर्तमान आर्थिक तथा बित्तिय स्थिति सार्बजनिक गरेको छ । बुधबार केन्द्रिय बैंकले चालु आर्थिक बर्षको ५ महिना मंसिर मसान्त सम्मको आर्थिक तथा बित्तिय स्थिति सार्बजनिक गरेको हो ।
राष्ट्र बैंकले सार्बजनिक गरेको तथ्याङ्क अनुसार मंसिरमा मूल्य बृद्धि २.९३ प्रतिशतमा सिमित भएको छ । यो दर गत बर्षको सोहि अबधिमा ६.५५ प्रतिशत थियो भने अघिल्लो महिना कार्तिकमा यो दर ४.०५ प्रतिशत रहेको थियो ।
गत महिना अयात ९.६ प्रतिशतले घटेको छ भने निर्यात ५.१ प्रतिशतले बढेको राष्ट्र बैंकको तथ्याङ्कले देखाएको छ ।
विप्रेषण आप्रबाह नेरुमा १०.९ प्रतिशतले बृद्धि देखिएको छ भने डलरमा ६.४ प्रशितले बृद्धि भएको छ ।
केन्द्रिय बैंकले शोधनान्तर स्थिति १ खर्ब ६ अर्ब ४८ करोड बचतमा रहेको बताएको छ ।
त्यस्तै बिदेशी बिनिमय सन्चिति १२ अर्ब ५४ करोड अमेरिकी डलर रहेको छ ।
त्यस्तै संघिय सरकारको खर्च ३ खर्ब ६ अर्ब ६६ करोड र राजश्व परिचालन ३ खर्ब १ अर्ब २३ करोड रहेको छ ।
त्यस्तै बिस्तृत मुद्राप्रदाय ७.४ प्रतिशतले बढेको छ । बार्षिक बिन्दुगत आधारमा यो २२.५ प्रतिशतले बढेको छ ।
बैक तथा बित्तिय संस्थाको निक्षेप संकलन ६.५ प्रतिशत बढ्दा नीजि क्षेत्रको दाबी ७.९ प्रतिशतले बढेको छ । बार्षिक बिन्दुगत आधारमा निक्षेपको बृद्धिदर २१.६ प्रतिशत र नीजि क्षेत्रमाथिको दावी बृद्धिदर १३.१ प्रतिशत रहेको राष्ट्र बैंकले जनाएको छ ।
वि.सं.२०७७ पुस २९ बुधवार १६:३२ मा प्रकाशित
