हामी सबैकाे संसारन्यूज

१ माघ, काठमाडौं । फ्रेन्च क्लब पेरिस सेन्ट जर्मेन (पीएसजी) ले सिजनको पहिलो उमाधि जितेको छ । माउरिसिओ पोचेटिनोले क्लब समालेको दुई साता नबित्दै उनले पीएसजीको लागि पहिलो उपाधि दिलाएका छन् ।

ट्रफी डेस च्याम्पियन्समा मार्सेलाई २-१ ले पराजित गर्दै पीएसजीले उपाधि जितेको हो । पोचेटिनोले समालेको तेस्रो खेलमानै पीएसजीले उमाधि हात पारेको हो । टोटनहमका पूर्वप्रशिक्षक पोचेटिनो यही जनवरी पहिलो साता फ्रेन्च क्लबको प्रशिक्षक बनेका थिए ।

पीएसजीको जितमा माउरो इकार्डी ३९ मिनेटमा गोल गरेका थिएभने नेमारले खेलको दोस्रो हाफको ८५औं मिनेटमा पेनाल्टीमा गोल गर्दै उपाधि दिलाएका थिए । मार्सेलेको लागि दोस्रो हाफको ८९ मिनेटमा पाएतले गोल गरेपनि हार टार्न सकेनन् । फ्रेन्च लिग विजेता र कप विजेता बीच ट्रफी डेज च्याम्पियनन्समा प्रतिस्पर्धा हुँदै आएको छ ।

योसँगै पीएसजीले यो उपाधि सर्वाधिक १०औं पटक जितेको छ ।