हामी सबैकाे संसारन्यूज

१ माघ, काठमाडौं । स्पानिस सुपर कप अन्तरगत गएराति भएको खेलमा बार्सिलोनाले रियल सोसिडाडलाई पराजित गर्दै फाइनमा प्रवेश गरेको छ । बार्सिलोना पेनाल्टी सुटआउटमा विजयी हुदै फाइनलमा प्रवेशमा गरेको हो ।

निर्धारित ९० मिनेट र थप गरिएको अतिरिक्त ३० मिनेटको खेल १-१ को बराबरीमा रोकिएपछि खेल पेनाल्टी सुटआउटमा पुगेको थियो । पेनाल्टी सुटआउटमा बार्सिलोना ३-२ ले विजयी भएको हो ।

निर्धारित ९० मिनेटको खेलको पहिलो हाफको ३९औं मिनेटमा फ्रेंकी डे जोङले ३९औं मिनेटमा गोल गर्दै बार्सिलोनालाई अग्रता दिलाएका थिए । पहिलो हाफमा १-० ले पछि परेको सोसिडाडले दोस्रो हाफको ५१औं मिनेटमा मिकेल ओयारजाबालको गोलबाट खेलमा फर्केको थियो ।

पेनाल्टी सुटआउटमा भने बार्सिलोनाका गोल रक्षक टेर स्टेगनले दुई पेनाल्टी बचादा बार्सिलोना विजयी भएको हो । बार्सिलोनाका लागि मिरालेम प्यानिच, ओसमान डेम्बेले र रिकार्ड पुइगले गोल गर्दा फ्रेंकी डे जोङ र एन्टोनी ग्रीजमन गोल गर्न चुकेका थिए । उता, सोसिडाडका मिकेल मेरिनो र एडनान जानुजाई बाहेका अन्य खेलाडीभने गोल  गर्नबाट चुक्दा हार बेहोर्न पुग्यो ।

रियल मड्रीड र एथ्लेटिको क्लब भिड्दै

सेमिफाइनलको दोस्रो खेलमा स्पेनिस च्याम्पियन रियल मड्रीड र एथ्लेटिक क्लब भिड्दै छन् । दोस्रो सेमिफाइन आज बेलुका १:४५ मा हुदै छ यी दुई टिम बिचको बिजेताले बार्सिलोनासँग जनावरी १७ मा स्टेडीयो ला कार्टुजामा फाइनल खेल खेल्ने छ।