हामी सबैकाे संसारन्यूज

२ माघ, काठमाडौँ । सेञ्चुरी कमर्सियल बैंक लिमिटेडको नवौं तथा दशौं वार्षिक साधारण सभा बुधबार सम्पन्न भएको छ । यो सभा बैंकका अध्यक्ष श्री राजेश कुमार श्रेष्ठको अध्यक्षतामा आर्मी अफिसर्स क्लब, भद्रकालीमा सम्पन्न भएको हो ।

सभाले शेयरधनीहरुलाइृ आर्थिक वर्ष २०७५/७६ को मुनाफाबाट चुक्ता पुँजी रकम रु. ८,४१,५४,७१,५७६.३० मा ४.७५ प्रतिशत नगद लाभांश र २ प्रतिशत बोनश शेयर तथा उक्त बोनश शेयर वितरण पश्चात् हुन आउने चुक्ता पुँजी रकम रु. ८,५८,३७,८१,००० मा आ.व. २०७६/७७ को मुनाफाबाट ५.२५ प्रतिशत बराबरको बोनस सेयर र २.२५ प्रतिशत नगद लाभांस वितरण गर्ने प्रस्ताव पारित गरेको छ ।

सभाले लेखापरीक्षकको प्रतिवेदन सहित आर्थिक वर्ष २०७५/७६ र २०७६/७७ को आर्थिक विवरण, वासलात, नाफा नोक्सान हिसाब र नगद प्रवाह बाँडफाड लगायतका प्रतिवेदन पारित गरेको छ । साथै संस्थापक शेयरधनीहरुबाट प्रतिनिधित्व गर्न तीन जना संचालक श्री रमेश कुमार निरौला, श्री मन बहादुर राई र श्री रण बहादुर श्रेष्ठलाई निर्वाचित गरेको छ ।