हामी सबैकाे संसारन्यूज

२ माघ, काठमाडौँ । इंल्याण्ड टेस्ट क्रिकेट टिमका कप्तान जो रुटले श्रीलंका विरुद्धको पहिलो टेस्टमै सतक जडेका छन । उनले श्रीलंका विरुद्ध १६३ बलमा आफ्नो टेस्ट करियरको १८ औँ सतक पुरा गरेका छन ।

पहिलो टेस्टमा टस जितेर पहिले ब्याटिङ्ग गरेको श्रीलंका ४६.५ ओभरमा १३५ रन बनाएर अलआउट भएको थियो । श्रीलंकाका लागि ब्याटिङ्गमा दिनेश चान्दिमलले सर्वाधिक २८ रन बनाएका थिए । इंल्याण्डका लागि बलिङ्गमा भने डोमिनिक बेसले १० ओभरमा ३० रन खर्चेर ५ विकेट हात पारेका थिए भने स्टूअर्ट ब्रडले ९ ओभरमा २० रन दिएर ३ विकेट लिएका थिए ।

श्रीलंका अलआउट भएपछि आफ्नो पहिलो इनिङ्गस लिएर आएको इंल्याण्ड ६४ ओभरमा ३ विकेट गुमाएर २१३ रनमा ब्याटिङ्ग गरिरहेको छ । इंल्याण्डका कप्तान जो रुट १०४ रनमा नटआउट रहेका छन भने डेनियल रसेन्स ४२ रनमा नटआउट रहेको छन । इंल्याण्डले पहिलो इनिङ्गसमा श्रीलंका विरुद्ध ७८ रनले लिड लिएको छ ।