५ माघ, काठमाडौँ । इंल्याण्ड र श्रीलंका बिचका पहिलो टेस्टमा इंल्याण्डले ७ विकेटले जित हासिल गरेको छ ।
टस जितेर पहिले ब्याटिङ्ग गरेको श्रीलंका आफ्नो पहिलो इनिङ्गसमा १३५ रनमा अलआउट भएको थियो । पहिलो इनिङ्गसमा श्रीलंकाका लागि दिनेश चान्दिमलले सर्वाधिक २८ रन बनाएका थिए भने इंल्याण्डका लागि बलिङ्गमा डोम बेसले सार्वधिक ५ विकेट लिएका थिए ।
श्रीलंका अलआउट भएपछि ब्याटिङ्ग गर्न आएको इंल्याण्डले आफ्नो पहिलो इनिङ्गमा ४२१ रन बनाएको थियो । इंल्याण्डकाे पहिलो इनिङ्गसमा कप्तान जो रुटले आफ्नो टेस्ट क्रिकेट करियरको दोस्रो दोहोरो सतक बनाएका थिए । उनी २२८ रन बनाएर आउट भएका थिए । जो रुट इंल्याण्डका लागि टेस्ट क्रिकेटमा कप्तानका रुपमा २ दोहोरो सतक बनाउने पहिलो खेलाडी समेत बनेका छन ।
पहिलो इनिङ्गसमा २८६ रनले पछि परेको श्रीलंका आफ्नो दोस्रो इनिङ्गमा ३५९ रनमा अलआउट भएको थियो । दोस्रो इनिङ्गसमा श्रीलंकाका लागि लाहिरु थिरमानेले १११ रनको पारी खेलेका थिए । ३३९ रनमा अलआउट भएपछि श्रीलंकाले इंल्याण्डलाई जितका लागि ७४ रनको लक्ष्य दिएको थियो ।
श्रीलंकाले दिएको ७४ रनको लक्ष्य इंल्याण्डले २४.२ ओभर खेल्दैँ ३ विकेट गुमाएर पुरा गर्यो । जितसँगै इंल्याण्डले २ खेलको टेस्ट श्रृखलामा १-० ले अग्रता लिएको छ ।
वि.सं.२०७७ माघ ५ सोमवार १०:३७ मा प्रकाशित