Sansar News
माघ ६ गते, काठमाडौं । विभाजित नेकपाका अध्यक्ष पुष्पकमल दाहाल ‘प्रचण्ड’ले परिवर्तनको रक्षाका लागि आफुँहरु जनअदालतमा जाने चेतावनी दिएका छन् । मंगलबार आफुँ पक्षीय पत्रकार संगठन प्रेस संगठन नेपालको भेलालाई सम्बोधन गर्दै उनले यस्तो चेतावनी दिएका हुन् ।
उनले हालसम्मका परिवर्तन जनताको आन्दोलन र विद्रोहबाट मात्रै भएको बताए ।
‘यो परिवर्तन कुनै पनि वैद्यानिक संस्थाबाट आएको परिवर्तन थिएन, संविधानसभा, संघीय लोकतान्त्रिक गणतन्त्र यो जनताको विद्रोहबाट आएको हो’, प्रचण्डले भनेका छन्, ‘यसको रक्षाको लागि हामी जनतामै जान्छौं, जनअदालत जान्छौं ।’
उनले अन्तिमसम्म पनि आफुँहरुले निर्वाचन आयोग र अदालतलाई हेरिरहने बताए । ‘जनताले मात्रै सहि फैसला दिन सक्छ भनेर हामीले जनतालाई अपिल गरिरहेका छौं सँगै निर्वाचन आयोग र अदालतलाई अविश्वास गरेका छैनौं, हामी जनतामा जानुले उहाँहरुलाई स्वतन्त्र निर्णय गराउन सहयोग पनि पुग्छ’, प्रचण्डले भने ।
सम्बन्धित समाचार
ओलीलाई प्रचण्डको प्रश्न : अदालत र निर्वाचन आयोगमा सेटिङ्ग छ भनेको के हो ?
वि.सं.२०७७ माघ ६ मंगलवार १७:१७ मा प्रकाशित
