Sansar News
काठमाडौं । आगामी निर्वाचनमा टोखा नगरपालिकाबाट आफ्नो पार्टीले बहुमत प्राप्त गर्ने नगरपालिकाका मेयर प्रकाश अधिकारीले बताएका छन् । आफुहरुले जनताको मन जितेर काम गरेकाले आगामी निर्वाचनमा जनताले साथ दिने मेयर अधिकारीको विश्वास छ ।
आज शनिवार नेपाल कम्युनिष्ट पार्टी(नेकपा) ओली खेमाद्वारा आयोजना गरिएको अगुवा कार्यकर्ता भेलामा मेयर अधिकारीले सो कुरा बताएका हुन् । मेयर अधिकारीले आफ् निर्वाचित भएदेखि अहिलेसम्म नगरपालिका भित्र २९ किलोमिटर सडक पिच गरिएको र ३९ किलोमिटर सडक ढलान गर्ने काम सम्पन्न भएको बताए ।
ओली खेमाद्वारा आयोजना गरिएको टोखा नगर स्तरिय अगुवा कार्यकर्ता भेलालाई प्रमुख अतिथिको रुपमा उपप्रधानमन्त्री तथा नेकपाका सचिवालय सदस्य ईश्वर पोखरेल र केन्द्रिय सदस्यहरु नारायण सिलवाल, रत्न गुरुङ, लेखनाथ फुयाल केशव स्थापित र उपमेयर ज्ञान माया डंगोल लगाएतले सम्बोधन गरेका थिए । भेलामा ५ सय भन्दा धेरै अगुवा कार्यकर्ता सहभागी भएका भएको युवा संघ नेपालका विभागिय केन्द्रिय सदस्य शिबु रानाले बताए ।
भेलाको अध्यक्षता पार्टी नगर कमिटिका अध्यक्ष सत्य नारायण डंगोलले गरेका थिए भने सञ्चालन नगर कमिटि सचिवालय सदस्य भानु दहालले गरेका थिए ।
वि.सं.२०७७ माघ १० शनिवार १७:४६ मा प्रकाशित
