Sansar News
११ माघ, काठमार्डौँ । प्रदेश नं १ का मुख्यमन्त्री शेरधन राई आज विवाह बन्धनमा गाँसिएका छन् । ४९ वर्षीय राईको आफूभन्दा दोब्बर कम उमेरकी २३ वर्षिया मोडल जाङ्मु शेर्पासँग लगठगाँठो गाँसेका हुन् ।
उनीहरुले राजधानीको एक पार्टी प्यालेसबाट परम्परागत विधीबाट विवाह गरेका छन् । बेहुला र बेहुलीआफ्नो जातीय पोशाकमा सजिएका थिए ।
मुख्यमन्त्री राईको विवाहको रिसेप्सनमा राष्ट्रपति, प्रधानमन्त्रीलगायत उच्च अधिकारीलाई निम्ता दिइएको उनको निजी सचिवालयले जनाएको छ ।
उनीहरू केही समयदेखि प्रेम सम्वन्धमा थिए। मुख्यमन्त्री राईको पुर्खौली घर भोजपुर हो भने जाङ्मु संखुवासभाकी हुन्। मिस मंगोल नेपाल २०१८ को उपाधि जितेकी ज्याङ्मुले विभिन्न म्यूजिक भिडिओमा अभिनयसमेत गरेकी छन्।
तस्विर : सामाजिक सञ्जालबाट
वि.सं.२०७७ माघ ११ आइतवार १५:१७ मा प्रकाशित
