हामी सबैकाे संसारन्यूज

१२ माघ, काठमाडौँ । बिग ब्यास लिग अन्तर्गत हिजो भएको खेलमा सन्दिप लामिछाने आवद्ध टिम होबार्ट हुरिकेन्सले सिड्नी सिक्सर्सलाई ७ रनले पराजित गरेको छ ।

टस हारेर पहिले ब्याटिङ्ग गरेको होबार्ट हुरिकेन्सले २० ओभरमा ८ विकेट गुमाएर १८८ रन बनाएको थियो । होबार्टका लागि ब्याटिङ्गमा कप्तान म्याथ्यू वेडले सर्वाधिक ८६ रन बनाएका थिए भने डार्सी शटले ७६ रन बनाएका थिए । सिड्नी सिक्सर्सका लागि बलिङ्गमा शन एबट, बेन द्वारशुइस र जेक बलले सर्वाधिक २/२ विकेट हात पार्न सफल भएका थिए ।

होबार्टले दिएको १८९ रनको लक्ष्य सिड्नी सिक्सर्सले पुरै २० ओभर खेल्दा पनि पुरा गर्न सकेन । सिड्नी सिक्सर्सले २० ओभरमा ८ विकेट गुमाएर १८१ रन मात्र बनाउन सक्यो । सिक्सर्सका लागि जेडन सिल्कले ७६ रनको विस्फोटक पारी खेलेता पनि टिमलाई जित भने दिलाउन सकेनन् । होबार्टका लागि नेथन एलीसले सर्वाधिक३ विकेट हात पारेका थिए भने सन्दिप लामिछानेले २ विकेट हात पार्न सफल भएका थिए । सन्दिप लामिछाने ४ ओभरमा २४ रन खर्चेर मोइसेस हेनरिक र डेनियल क्रिस्टियनको विकेट लिएका थिए ।

जितसँगै होबार्ट हुरिकेन्स १३ खेलबाट २७ अकं जोड्दैँ अकं तालिकामा पाचौ स्थानमा उक्लेको छ भने सिड्नी सिक्सर्स र पर्थ स्कोचर्सले १३ खेलमा ३२ अकं जाड्दैँ प्लेअफका प्रवेश गरिसकेका छन । त्यसैगरि एडिलेड स्ट्राइकर्स २८ अकं सहित तेस्रो स्थानमा रहेको छ भने २७ अकं सहित सिड्नी थन्डर्स चौथो स्थानमा रहेको छ ।
ब्रिसबेन हिट २५ अकं सहित छैठौँ, मेलबर्न स्टार्स २४ अकं सहित सातौँ र मेलबर्न रेनेगेडर्स १३ अकं सहित आठौँ स्थानमा रहेका छन ।