हामी सबैकाे संसारन्यूज

१२ माघ, काठमडौँ । भारतको विरुद्धको टेस्ट श्रृखलाका लागि इंल्याण्डका अलराउण्डर बेन स्टोक्स, फास्ट बलर जोफ्रा आर्चर र ब्याट्सम्यान रोरी बर्न सोमबार चेन्नाई पुगेका छन । श्रीलंका विरुद्धको २ खेलको टेस्ट श्रृखलाबाट विश्राम लिएको ३ खेलाडी बाँकी टिम भन्दा दुई दिन अघि भारत गएका हुन ।

इंल्याण्ड क्रिकेट टिम अहिले श्रीलंका विरुद्ध दोस्रो टेस्ट खेलिरहेको छ । श्रीलंका विरुद्धको दोस्रो टेस्ट समाप्त भएपछि इंल्याण्ड क्रिकेट टिम २७ जनवरीमा भारत पुग्ने छ ।

भारत पुगिसकेका अलराउण्डर बेन स्टोक्सले टेस्ट क्रिकेटमा ६७ खेल खेलका छन जसमा उनले ब्याटिङ्गमा ३७.८५ को औसतले ४४२८ रन बनाएको छन भने बलिङ्गमा १५८ विकेट लिएका छन । त्यसैगरी फास्ट बलर जोफ्रा आर्चरले टेस्ट क्रिकेटमा ११ खेलबाट ३८ विकेट लिएका छन भने ब्याट्सम्यान रोरी बर्न्सले २१ खेलबाट १२३३ रन बनाएका छन ।

इंल्याण्ड क्रिकेट टिमले भारत विरुद्ध फेबु्रअरी ५ देखी ४ खेलको टेस्ट श्रृखला , ५ खेलको टि २० श्रृखला र ३ खेलको एकदिवसीय खेल्ने ।

भारत र इंल्याण्ड दुवै टिमले पहिलो र दोस्रो टेस्टको लागि आफ्नो टिमको घोषणा गरिसकेको छ । यस्तो छ पहिलो र दोस्रो टेस्टको लागि भारत र इंल्याण्डको टिम :

भारतको टिम:
विराट कोहली, रोहित शर्मा, शुभमन गिल, केएल राहुल, मयंक अग्रवाल, चेतेश्वर पुजारा, अजिंक्य रहाणे, ऋषभ पन्त, ऋद्धिमान शाह, हार्दिक पांड्या, जसप्रीत बुमराह, इशान्त शर्मा, मोहम्मद सिराज, शार्दुल ठाकुर, रविचन्द्रन अश्विन, कुलदीप यादव, वाशिंगटन सुन्दर र अक्सर पटेल ।

इंल्याण्डको टिम:
जो रुट, रोरी बर्न्स, ज्याक क्रली, मोइन अली, बेन स्टोक्स ,जस बटलर, जेम्स एण्डरसन, डम बेस, स्टुअर्ट ब्राड, बेन फोक्स, ड्यान लरेन्स, ज्याक लीच, डम सिब्ली, जोफ्रा आर्चर, ओली स्टोन र क्रिस वोक्स ।