हामी सबैकाे संसारन्यूज

१२ माघ, काठमाडौं । नेपाल कम्युनिष्ट पार्टी (नेकपा) को ओली समूहले माघ २३ गतेको जनसभाका लागि १ हजार १११ सदस्यीय समिति गठन गरेको छ ।

बागमती प्रदेश संगठन कमिटिको आयोजनामा हुन लागेको उक्त जनशभाको संयोजकमा कृष्ण गोपाल रहेको १ हजार १११ सदस्यीय समिति गठन गरिएको सोमबार आयोजित पत्रकार सम्मेलनमा जानकारी दिइएको छ ।

जनसभाका लागि बागमती प्रदेश अन्तर्गतका १३ जिल्ला र उपत्यका विशेष प्रदेशका ४ जिल्ला गरी १७ जिल्लाका नेता तथा कार्यकर्ताको नेतृत्वमा कार्यकर्ता परिचालन गरिने पनि बागमती प्रदेश कमिटिका अध्यक्ष आनन्द पोखरेल जानकारी दिएका छन् ।

जनसभा परिचालनका लागि २५ सदस्यीय सचिवालय समेत गठन गरिएको छ भने सचिवालय बागमति प्रदेश संगठन कमिटीको कार्यालय बालकुमारीमा रहनेछ । साथै जनसभाको आवस्यक व्यवस्थापन सोहि सचिवालयले गर्ने सो समूहद्धारा जारी विज्ञप्तिमा जनाइएको छ ।