हामी सबैकाे संसारन्यूज

१३ माघ, काठमाडौँ । सन्दिप लामिछाने आवद्ध टिम होबार्ट हुरिकेन्स मेलबर्न रेनेगेडर्ससँग ११ रनले पराजित भएसँगै बिग ब्यास लिग (बिबिएल) को समूह चरणबाट बाहिरिएको छ ।

टस हारेर पहिले ब्याटिङ्ग गरेको मेलबर्न रेनेगेडर्सले २० ओभरमा ५ विकेट गुमाएर १५० रन बनाएको थियो । मेलबर्न रेनेगेडर्सका लागि ब्याटिङ्गमा बउ वेब्स्टरले सर्वाधिक ५४ रन बनाएका थिए भने होबार्टका लागि बलिङ्गमा रिले मेरिडिथले सर्वाधिक ३ विकेट लिएका थिए । नेपाली युवा लेग सन्दिपले आजको खेलमा विकेट विहिन रहदैँ ४ ओभरमा ३५ रन खर्चेका थिए ।

मलबर्न रेनेगेडर्सले दिएको १५१ रनको समान्य लक्ष्य होबार्ट पुरै २० ओभर खेल्दा पनि पुरा गर्न सकेन । होबार्टले २० ओभरमा ९ विकेट गुमाएर १३९ रनमात्र बनाउन सक्यो । होबार्टका लागि ब्याटिङ्गमा डविड मलानले सर्वाधिक ३४ रन बनाएका थिए । मलबर्न रेनेगेडर्सका लागि ज्याक इभान्सले उत्कृष्ट बलिङ्ग गदैँ ४ ओभरमा ३३ रन खर्चेर ५ विकेट लिएका थिए ।