हामी सबैकाे संसारन्यूज

२२ माघ, काठमाडौं । लेखक तथा विश्लेषक खगेन्द्र संग्रौलाले आम हड्तालका बेला सर्बसाधारणको सवारीमा ढुंगा मुढा गर्ने र नेतृत्व भने गाडी चढेर भाषण गर्दै हिँड्ने गरेकोमा आलोचना गरेका छन् ।

नेकपाको प्रचण्ड-माधव पक्षले विहिबार आव्हान गरेको बन्दका क्रममा सडकमा हिँडेका सर्वसाधारणमाथि ढुंगामुढा गर्ने तर पुष्पकमल दाहाल ‘प्रचण्ड’ ल्याण्ड क्रुजर चढेर पुल्चोक र माधव नेपाल स्कुटर चढेर कोटेश्वर पुगेर भाषण गरेको भन्दै आलोचना गरेका हुन् ।

सामाजिक संजाल ट्विटरमा लेख्दै संग्रौलाले भनेका छन, समान्ती चलनमा आदेश दिनेले आदेश मान्नु नपर्ने ! बन्दको आदेश दिने पुष्पकमल आदेश तोड्दै ल्याण्ड क्रुजर चढेर भाषण ठोक्न पुलचोक सवारी, माधव स्कुटर चढेर कोटेश्वर सवारी । वाहन चलाउने अरूलाई ढुङ्गामुडा र गाली गर्ने दासवत् कार्यकर्ता आफ्ना नेतालाई ताली ! सडकमा देखियो यिनको जनवाद !’

समान्ती चलनमा अादेश दिनेले अादेश मान्नु नपर्ने! बन्दकाे अादेश दिने पुष्पकमल अादेश ताेड्दै ल्याण्ड क्रुजर चढेर भाषण ठाेक्न पुलचाेक सवारी,माधव स्कुटर चढेर काेटेश्वर सवारी।वाहन चलाउने अरूलाई ढुङ्गामुडा र गाली गर्ने दासवत् कार्यकर्ता अाफ्ना नेतालाई ताली!सडकमा देखियाे यिनकाे जनवाद!

— Khagendra Sangroula (@belakoboli) February 4, 2021