हामी सबैकाे संसारन्यूज

२५ माघ, काठमाडौँ । नेकपाको भातृसंस्था राष्ट्रिय युवा संघ, नेपालले सरकार नागरिकको जिउधनको सुरक्षा दिन असफल भएको ठहर गरेको छ ।

१७ वर्षीय किशोरी भागिरथी भट्टको बलत्कारपछि हत्या भएको घटना बारे संघका संयोजक रामप्रसाद सापकोटा(दीपशिखा)द्वारा जारी शोक वक्तव्यमा ‘यसरी दिनदहाडै नागरिकहरु बलात्कृत भई हत्या हुनुले राज्यसंयन्त्र नागरिकको जिउधनको सुरक्षा दिन असफल भएको हाम्रो ठहर छ’ भनिएको छ ।

भागिरथी भट्टको बलत्कार पछि हत्या भएको घटनाले राष्ट्रिय युवा संघ नेपाल स्तब्ध र मर्माहित भएको जनाउँदै पाशविक र अमानवीय कृकृत्यको घार निन्दा र भत्सर्ना गरिएको छ ।

दोसीलाई यथासक्य छिटो कानुनी दायरामा ल्याई कडाभन्दा कडा कारवाहीको माग गर्दै परिवारजनमा उचित क्षतिपूर्ति दिन समेत माग गरिएको छ ।

युवा संघले हत्यारालाई कानुनी दायरमा ल्याइए कार्वाही गर्न ढिलासुस्ती भएमा कडा संघर्षमा उत्रने चेतावनी समेत दिएको छ ।