हामी सबैकाे संसारन्यूज

माघ २८, काठमाडौं । नेकपाका अध्यक्ष पुष्पकमल दाहाल ‘प्रचण्ड’ले अदालतले संसद विघटनलाई मान्यता दिए विद्रोह हुने चेतावनी दिएका छन् । बुधबार आफुँ पक्षीय विरोधसभालाई सम्बोधन गर्दै उनले यस्तो चेतावनी दिएका हुन् ।

‘मैंले सुरुदेखि भन्दै आएको छु, यदि संविधानको अक्षर र भावना विपरित, नेपाली जनताको चाहना विपरित केहि काम गरियो भने त्यो दुर्भाग्यपूर्णं हुनेछ, त्यो नेपाली जनतालाई सह्यै हुनेछैन्’, प्रचण्डले भने, ‘जनताको यो शान्तीपूर्णं आन्दोलन विद्रोहमा गयो भने के हुन्छ ? प्रत्येकले विचार गर्न जरुरी छ ।’

उनले सर्वोच्चका न्यायाधीशहरुलाई संविधान र जनभावनाको हेक्का राख्न आग्रह गरे । अदालतले छिट्टै संसद पुनस्र्थापनाको पक्षमा फैसला गर्नेमा आफुँ विश्वस्त रहेको प्रचण्डको भनाई छ ।

प्रचण्डले भनेका छन्, ‘यो लाखौं जनताको उपस्थिति सर्वोच्च अदालतका न्यायाधिशहरुले पनि देख्नुभएको छ राम्रोसँग । जनता के चाहेका छन् ? जनभावना केछ ? मलाई लाग्छ, सर्वोच्च अदालतका हाम्रा सम्मानित न्यायाधीशहरुले यो जनभावनालाई हेर्नुभएको छ र अब छिट्टै ढिलो नगरी संविधान र लोकतन्त्रको पक्षमा फैसला दिनुहुनेछ ।’