Sansar News
२९ माघ, काठमाडौं । विदेशमा संकलित रेमिट्यान्स नेपाल नल्याएर उतै राखेपछि प्रभुमनी ट्रान्सफर कारबाहीमा परेको छ ।
आफै सहायक कम्पनीलाई कर्जा दिएको विषयमा प्रभु बैंकमाथि अनुसन्धान जारी राखेको राष्ट्र बैंकले प्रभुलाई कारबाही गरेको जनाएको हो । राष्ट्र बैंक संचालक समितिको बैठकले बुधबार प्रभुमनी ट्रान्सफरलाई कारबाही गर्ने निर्णय गरेको पनि विहिबारको कान्तिपुर दैनिकमा समाचार छ ।
आर्थिक वर्ष २०७४/७५ देखि रेमिट्यान्स बापत संकलित करिब २ अर्ब रुपैयाँ विदेशमै राखेको प्रमाणित भएको र त्यसको आधारमा कारबाही गरिएको राष्ट्र बैंक स्रोतले बताएको छ ।
‘प्रभुमनी ट्रान्सफरले यता ल्याउनुपर्ने रेमिट्यान्स विदेशमै राखेको खुलेको छ,’ स्रोतले भन्यो, ‘छानबिन, स्पष्टीकरण र त्यसको आधारमा कारबाही गर्ने निर्णय भएको हो ।
सचेत गराउने, जरिवााना तिराउने र उता राखिएको रकमको व्याजसमेत लगाउने गरी कारबाहीको निर्णय गरिएको स्रोतको भनाई छ ।
वि.सं.२०७७ माघ २९ बिहीवार ०८:२८ मा प्रकाशित
