Sansar News
माघ २९, काठमाडौं । राष्ट्रपतिबारे दिएको अभिव्यक्तिका आधारमा नेकपाको प्रचण्ड–नेपाल समूहकी नेतृ रामकुमारी झाँक्रीलाई गरिएको पक्राउप्रति काठमाडौंमा विरोध प्रदर्शन भएको छ । प्रचण्ड–नेपाल नेतृत्वको नेकपाका युवा तथा विद्यार्थीहरुले विरोध प्रदर्शन गरेका हुन् ।
प्रदर्शनका कारण झण्डै एक घण्टाजति नयाँ बानेश्वर क्षेत्रको ट्राफिक अस्थव्यस्त भएको थियो । प्रदर्शनको संयोजन गरेको राष्ट्रिय यूवा संघले झाँक्रीलाई निःशर्त रिहा नगरीए भोलीदेखि सडक आन्दोलन चर्काउने चेतावी दिएको छ ।
प्रदर्शनलाई सम्बोधन गर्दै युवा संघका नेता नरेश शाहीले झाँक्रीको निःशर्त रिहाईको विकल्प नभएको बताए ।
वि.सं.२०७७ माघ २९ बिहीवार १७:५६ मा प्रकाशित
