Sansar News
२९ माघ, काठमाडौँ । मानव अधिकार तथा सामाजिक रुपान्तरण अभियान(काहुरास्ट) नेपालले नेकपा केन्द्रीय सदस्य तथा प्रतिनिधिसभा सदस्य रामकुमार झाँक्रीको गिरफ्तारी गैह्र संवैधानिक भएको बताएको छ ।
काहुराष्टका अध्यक्ष विष्णुपुकार श्रेष्ठद्वारा जारी प्रेस वक्तव्यमा झाँक्रीलाई उनकै निवासबाट गरिएको गिरफ्तारी नेपालको संविधानको २०७२ को धारा १७ को उपधारा २(क) विपरित भएको जनाइएको छ ।
‘यो पूर्णरुपले व्यक्तिको विचार तथा अभिव्यक्ति स्वतन्त्रता माथिको निर्लज्ज हस्तक्षेप हो, वक्तव्यमा उल्लेख छ ।
काहुराष्टले झाँक्रीको स–सम्मान तत्काल रिहाइको जोडदार माग समेत गरेको छ ।
वि.सं.२०७७ माघ २९ बिहीवार १८:०३ मा प्रकाशित
