Sansar News
फागुन ३, काठमाडौं । अस्वभाविक बढेको निर्माण सामाग्रीको मुल्य केहि समायोजन भएको छ । वाणिज्य, आपूर्ति तथा उपभोक्ता संरक्षण विभागका अनुसार अस्वभाविक बढाइएको डण्डीलगायतका सामाग्रीको मुल्य उद्योगीहरुले घटाएका छन् ।
हाल देशभर एक दर्जनभन्दा बढीको संख्यामा स्टिल तथा डण्डी उद्योगी छन् । विभागले जनाएअनुसार तीमध्ये केहीले मुल्य समायोजन गरेका हुन् । विभागनले जनाएअनुसार अन्यले पनि छिट्टै समायोजन गर्नेछन् ।
पछिल्लो साता उद्योगीहरुले डण्डी फलामको मुल्य अस्वभाविक बढाएसँगै विरोध भएको थियो । जससँगै विभागले अनुगमन गरेको थियो ।
१३ रुपैयाँसम्म घट्यो मुल्य
विभागले जनाएअनुसार उद्योगीहरुले प्रतिकेजी १३ रुपैयाँसम्म मुल्य घटाएका छन् ।
विभागले जनाएअनुसार लक्ष्मी स्टिल र श्री स्टिलले ४ रुपैयाँ मात्रै घटाएका छन् । उनीहरुले प्रतिकेजी ७७ रुपैयाँ कायम गराएको जनाएका छन् । हुलास वायरले ८ रुपैयाँसम्म घटाएको जनाएको छ ।
वि.सं.२०७७ फागुन ३ सोमवार १६:४७ मा प्रकाशित
