हामी सबैकाे संसारन्यूज

३ फागुन, काठमाडौँ । जनता समाजवादी पार्टी(जसपा) नेपाल संघीय परिषद्का अध्यक्ष डा. बाबुराम भट्टराईले नेपाली काँग्रेससँग कडा प्रश्न गरेका छन् ।

सामाजिक सञ्जाल टिव्टरमा नेता डा भट्टराईले नेका सभापति शेरबहादुर देउवाले संसद पुनर्स्थापनाबारे निर्णय गर्नुभन्दा जुनसुकै चुनावमा हामफाल्न लागेको भन्दै यस्तो प्रश्न गरेका हुन् ।

संसद पुनर्स्थापनाबारे आफूलाई लोकतन्त्रको पर्याय ठान्ने र संविधानसभाबाट संविधान जारी गरेको जश लिन होडबाजी गर्ने नेपाली काँग्रेस ‘संविधानका हत्यारा ओलीसँगै सती जान लागेकै हो’ भन्ने प्रश्न उनले गरेका छन् ।

काँग्रेस सभापति शेरबहादुर देउवाले सोमबार भैरहवामा संसद पुनर्स्थापनाबारे कुनै प्रतिक्रिया नदिएको प्रति इंगित गर्दै उनले बिपीले पंचायती चुनाव बहिष्कार गरेको सन्दर्भलाई जोड्दै भनेका छन् ‘संविधान रलोकतन्त्र मासेर सर्वसत्तावादलाई वैधता दिने जुनसुकै चुनावमा हामफाल्ने हो भने बिपीले पंचायती चुनाव किन बहिस्कार गरेका होलान् ? नेका कता ?’

आफुलाई लोकतन्त्रको पर्याय ठान्ने र संविधानसभाबाट संविधान जारी गरेको जश लिन होडबाजी गर्ने नेका संविधानका हत्यारा ओलीसंगै सती जान लागेकै हो? संविधान/लोकतन्त्र मासेर सर्वसत्तावादलाई वैधता दिने जुनसुकै चुनावमा हामफाल्ने हो भने बिपीले पंचायती चुनाव किन बहिस्कार गरेका होलान्? नेका कता? https://t.co/4KntW82IPT

— Baburam Bhattarai (@brb1954) February 15, 2021