हामी सबैकाे संसारन्यूज

फागुन ४, काठमाडौं । विभाजित नेकपाको प्रचण्ड–नेपाल समूहले प्रतिबद्धता पत्र ल्याउने भएको छ । प्रतिनिधि सभा विघटनविरुद्व आन्दोलनमा होमिएको नेकपाले आम नागरिकलाई विश्वास दिलाउन प्रतिबद्धता पत्र ल्याउन लागेको हो ।

यसका लागि नेकपाले संघर्ष समितिका संयोजक नारायणकाजी श्रेष्ठको नेतृत्वमो कार्यदल गठन गरेको छ । नेकपाले जनाएअनुसार प्रतिबद्धता पत्रको मस्यौदा तयार पार्न श्रेष्ठको नेतृत्वमा ८ सदस्यीय कार्यदल गठन गरिएको छ ।

कार्यदलमा श्रेष्ठसहित भीम रावल, सुरेन्द्र पाण्डे, घनश्याम भूसाल, जनार्दन शर्मा, वर्षमान पुन, लीलामणि पोखरेल र बेदुराम भुसाल छन् ।

आन्दोलनमा होमिएको प्रचण्ड–नेपाल पक्षीय नेकपालाई श्वेतपत्र लेख्न नागरिक अगुवाहरुले सुझाब दिँदै आएका थिए ।