हामी सबैकाे संसारन्यूज

५ फागुन, काठमाडौं । काठमाडौंका रजुनमान श्रेष्ठसहित विभिन्न ठाउँमा चारजना मृत फेला परेका छ ।
काठमाडौं महानगरपालिका–७ मैजुबहाल बस्ने ४५ वर्षीय रजुनमान श्रेष्ठ वडा नं ८ स्थित बाग्मती खोलाको छेउमा मृत अवस्थामा फेला परेका छन् ।
घरमा कसैलाइ जानकारी नदिई निस्केका उनी शुक्रबार मृत फेला परेका हुन् । घटनामा शंकास्पद ४ जनालाई प्रहरीले नियन्त्रणमा लिएको छ ।
त्यस्तै नवलपरासी (पूर्व), गैंडाकोट नगरपालिका–६ टोलटोलेस्थित नारायणी नदीको बगरमा हाल नाम, थर, वतन र उमेर नखुलेका पुरूष मंगलबार मृत अवस्थामा फेला परेका छन् ।

सल्यान, बनगार कुपिण्डे नगरपालिका–६ चिथौरेस्थित कुले खत्रीको घरमा उनकी साली नाता पर्ने सुर्खेत विरेन्द्रनगर नगरपालिका–१० रहरपुकी ३४ वर्षीया सपना रावत जैशी मंगलबार मृत अवस्थामा फेला परेकी छिन् ।

भेटघाटको सिलसिलामा सोमबार चिथौरे आएका सपना र उनका पति कृष्ण प्रसाद जैशी साँझ खाना खाई सुतेकोमा बिहान सपना मृत फेला परेको प्रहरीले जनाएको छ ।

पर्सा, बीरगंज महानगरपालिका–१० स्थितकलवार धर्मशालाको कोठा नम्बर १ मा बस्दै आएका वडा नं ८ गहवा बस्ने ६५ वर्षीय बिश्वनाथ प्रसाद साह कानु सोही कोठामा मंगलबार मृत अवस्थामा फेला परेका छन् । यस सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।