Sansar News
फागुन ५, काठमाडौं । नेपाली कांग्रेसको केन्द्रीय कार्यसमिति बैठक सुरु भएको छ । कांग्रेस प्रवक्ता विश्वप्रकाश शर्माका अनुसार बैठक केहि बेर अघि सुरु भएको हो ।
बैठक अपरान्ह २ बजे बस्ने भनिएपनि सभापति शेरबहादुर देउवा र वरिष्ठ नेता रामचन्द्र पौडेल पक्षको छुट्टा छुट्टै बैठक बसेपछि बैठक बस्न ढिलो भएको थियो । जनाइएअनुसार छुट्टा छुट्टै बैठक पछि देउवा र पौडेलबीच पनि बेग्लै बैठक भएको थियो ।
कांग्रेसका एक जना केन्द्रीय सदस्यले देउवा र पौडेलबीच महाधिवेशन मितिबारे छलफल भएको थियो । जनाइएअनुसार देउवाले बैठकमा आगामी भदौमा महाधिवेशन गर्ने प्रस्ताव राख्न लागेका छन् ।
संविधानमा भएको व्यवस्थाअनुसार कांग्रेस कार्यसमितिको म्याद बढिमा ६ महिनासम्म थप गर्न मिल्छ । महाधिवेशनको मिति सरेसँगै कांग्रेस विधानत समस्यामा छ ।
वि.सं.२०७७ फागुन ५ बुधवार १७:४९ मा प्रकाशित
