हामी सबैकाे संसारन्यूज

५ फागुन, काठमाडौँ । शैक्षिक परामर्शदाताहरुको संघठन स्वतन्त्र शैक्षिक परामर्श संघ (फेकन) को आगामी कार्यसमितिको लागि भुपाल तामाङ्ग समूहले उम्मेदवारी घोषणा गरेको छ ।

सो समूहले काठमाडौँमा एक पत्रकार सम्मेलनको आयोजना गरी उम्मेदवारी घोषणा गरेको हो ।

नेपालमा शैक्षिक परामर्शदाताहरुका दुई वटा छुट्टा छुट्टै संगठनहरु रहेका छन । ती मध्ये फेकन एउटा शक्तिशाली संगठनको रुपमा रहेको छ ।

“व्यावसायिक रुपले सक्षम फेकन, भावनात्मक रुपले एक फेकन” भन्ने नाराका साथ यही फागुन ८ गते संघले १० औँ वार्षिक साधारण सभा तथा नयाँ कार्यसमिसितिको निवार्चन गर्न लागेको हो । जसमा भुपाल तामाङ्ग समूहले तामझामका साथ उम्मेदवारी घोषणा गर्दा अर्को समूह भने गुमनाम देखिएको छ ।

कार्यक्रममा अध्यक्ष सहित १५ सदस्य उम्मेद्वारहरुको उम्मेद्वारी घोषणा भएको छ । जसमा अध्यक्षमा भुपाल तामाङ्ग, उपाध्यक्षहरुमा क्रमश राम शरण ढकाल, नवराज मैनाली (पवन), दिपक शिलवाल तथा अमितबाबु ढुङ्गानाले उम्मेद्वारी घोषणा गरेका छन ।

त्यस्तै महासचिवमा राजु निरौला, सचिवहरुमा क्रमश छविन्द्र ओझा (छवि), उमेश कुसवार, दिपेन्द्र पोखरेल तथा सदस्यहरुमा क्रमश किसोर दुलाल, रेश्मा राजथला थापा, इन्द्रजित गौतम, शेरबाहदुर बस्नेत, प्रकाश पुन मगर, शलाम सिंह योन्जनले तामाङ्ग समुहबाट उमेदवारी घोषणा गरेका हुन ।

हेर्नुहोस् उम्मेद्वारी घोषणा भिडियोमा :