Sansar News
फागुन ७, काठमाडौं । राष्ट्रपति विद्यादेवी भण्डारीले प्रदेश २ को प्रदेश प्रमुखमा रौतहटका राजेश झालाई नियुक्त गरेकी छिन् । राष्ट्रपति कार्यालयले शुक्रबार जारी गरेको विज्ञप्तीअनुसार मन्त्रिपरिषदको सिफारिसमा झालाई नियुक्त गरिएको हो ।
राष्ट्रपति भण्डारीले आज मात्रै तिलक परियारलाई प्रदेश प्रमुखबाट पदमुक्त गरेकी थिइन् । राष्ट्रपति कार्यालयले सार्वजनिक गरेको विज्ञप्ती अनुसार संविधानको धारा १६३ को उपधारा (२) बमोजिम झालाई नियुक्त गरिएको हो ।
मधेश विज्ञको रुपमा स्थापित छन् झा
‘राजेश अहिराज’ नामले परिचित झाले मधेश मामिलामा विद्यावारिधी गरेका छन् । उनलाई ‘मधेश विज्ञ’का रुपले पनि चिनिन्छ ।
पत्रकारितामा समेत आबद्ध झाले मधेश मामिलामा स्वतन्त्र खालको विश्लेषण गर्दै आएका थिए । राष्ट्रियताको विषयमा निकै वकालत गर्ने उनी मधेशवादी दलको विरोधीको रुपमा पनि स्थापित छन् ।
उनी हालको संघीय व्यवस्थाप्रति असहमत छन् । सामाजिक सञ्जालमा निकै सक्रिय झाले ‘एक देश, दुई दल र तीन प्रदेश’को नारा दिएका छन् ।
सम्बन्धित समाचार
वि.सं.२०७७ फागुन ७ शुक्रवार १६:२३ मा प्रकाशित
