हामी सबैकाे संसारन्यूज

फागुन ७, पोखरा । सिद्धार्थ राजमार्गमा भईरहेको सडक विस्तारमा ढिलाई भएकोप्रति सडक डिभिजन कार्यालय पोखराले ठेकेदार कम्पनीलाई पत्र काटेको छ । शुक्रबार सडक डिभिजनले पत्र काट्दै समयसीमा भित्रै काम सम्पन्न गर्ने गरि काम गर्न ठेकेदार कम्पनीलाई निर्देशन गरेको हाे ।

डिभिजनले ठेकेदार कम्पनी प्रदिप–जुमी–साइन जे.भी.लाई सम्झौताअनुसार काम गर्न र स्थानीय तहसँग तत्काल समन्वय गर्न पनि निर्देशन गरेको छ ।

ठेकेदार कम्पनी प्रदिप–जुमी–साइन जे.भी.ले सिद्धार्थ राजमार्गअन्तर्गत कुभिन्डे–स्याङ्जा खण्डमा सडकका मोडहरु चौडा पार्ने कार्य गरिरहेको छ । तर, चौडा पार्ने काममा ढिलाई गर्दा मुख्यतः सडकखण्डको भालुपहाड क्षेत्रमा यातायात सञ्चालनमा निकै समस्या भईरहेको छ ।

सडक विस्तारले घण्टौं जाम हुँदा समस्या

ठेकेदार कम्पनीले पछिल्लो केहि महिनादेखि भालुपहाड सडक खण्डमा मोड काट्ने काम गरिरहेको छ । तर, महिनौंसम्म पनि मोडहरु काट्ने कामलाई सम्पन्न नगर्दा यातायात सञ्चालनमा समस्या भईरहेको थियाे।

सडक विस्तारको काममा दिनहुँ जनताले सास्ती बेहोर्नुपरेको स्थिति र प्राकृतिक दोहनको विषयलाई गम्भीरतापूर्वक लिन सम्बन्धित सरोकारवालालाई नेकपा स्याङ्जाका अध्यक्ष सुर्यप्रसाद गैह्रे ‘पारस’ले बिहिबार सामाजिक सन्जालमार्फत ध्यानाकर्षण गराएका थिए ।

यस्ताे छ ठेकेदार कम्पनीलाई डिभिजनले जारी गरेकाे निर्देशन